Хива хонлигида ичиш ва чекишни тақиқлаган хон
Хива хонлигига 1819 йил Россиядан элчи сифатида келган Никита Муравьев (1796-1843) Хива хони Муҳаммад Раҳимхон (1775 йил туғилган, 1806–1825 йилларда Хива хони)нинг маиший соҳани ҳам қаттиқ назорат этганлигига ишора қилади. Жумладан, Н. Муравьев хонга тақдим этган совғалар орасида шишадан ясалган бежирим чилим (қалён) бўлиб, хон бу ғайритабиий нарса нима эканлигини сўраганда, хон амалдори совғанинг номини айтишга журъат эта олмаган. Чунки, бу даврда хонликда чилим чекиш тақиқланган бўлиб, хон амалдори уни сирка солишга мўлжалланган идиш, деб тушунтирган. Муравьевнинг маълумот беришича, хон шароб ичишни ташлагандан сўнг (1807 йил), сарой аъёнларига нафақат ичкиликни, балки чилим чекишни ҳам таъқиқлаб, махсус фармон чиқарган экан.