Агентлик тизимидаги мактабларда бир синфда ўқувчиларнинг сони 24 нафардан оширилмайди.

“Президент таълим муассасалари агентлиги тизимидаги ихтисослаштирилган мактаблар тармоғини кенгайтириш тўғрисида”ги Президент фармони (ПФ–106-сон, 14.04.2022 й.) қабул қилинган.

Фармонга кўра, Президент таълим муассасалари агентлиги тизимида:

☝️ Агентлик мактабларига қабул параметрлари бир синфда ўқувчиларнинг энг кўп сони 24 нафардан ошмаслигини ҳисобга олган ҳолда Агентлик томонидан белгиланади.

? 2022/2023 ўқув йилида Агентлик мактабларининг аниқ фанлар йўналишига қабул 5–11-синфларга, табиий фанлар йўналишига 7–11-синфларга, кейинги ўқув йилларида тегишинча 5- ва 7-синфларга амалга оширилади.

? Агентлик мактабларига ўқувчиларни қабул қилиш аниқ ва табиий фанлар, хорижий тиллар ҳамда мантиқий фикрлаш бўйича ўтказиладиган кириш имтиҳонлари натижаларига кўра амалга оширилади.

? Рўйхати Агентлик томонидан тасдиқланадиган халқаро, минтақавий ёки асосий фан олимпиадаларининг учинчи (вилоят) босқичида ғолиб бўлган (1, 2, 3-ўрин) умумий ўрта, ўрта махсус ва бошланғич профессионал таълим ташкилотлари ўқувчилари ўзи таълим оладиган ҳудудида жойлашган Агентлик мактабларига умумий қабул параметрлари доирасида кириш имтиҳонсиз ўқишга қабул қилинади.

? Агентлик мактабларида аниқ ва табиий фанлар билан бир қаторда Ўзбекистон тарихи фани чуқурлаштирилган ҳолда ўқитилади.
Манба: ?NAMANGAN VILOYATI PEDAGOGLARNI YANGI METODIKALARGA O’RGATISH MILLIY MARKAZI?